03.04.2026 - Milliy tabiat bog‘lari tashkil etish va aholini qishloq xo‘jaligi mahsulotlari bilan barqaror ta’minlash bo‘yicha yangi qarorlar qabul qilindi

“Ovjazsoy – Moviy tog‘lar”, “Piskom”, “Farg‘ona” milliy tabiat bog‘larini tashkil etish va “Pop” milliy tabiat bog‘i hududini kengaytirish chora-tadbirlari to‘g‘risida”gi Prezident qarori (PQ–109-son, 25.03.2026-y.) qabul qilindi.

Milliy tabiat bog‘lari tashkil etiladi

Qarorga ko‘ra, Toshkent viloyatida quyidagilar tashkil etiladi:

♦ Ohangaron tumanidagi Ohangaron davlat o‘rmon xo‘jaligining “Ovjazsoy” uchastkasidagi 9,2 ming gektar er maydonida “Ovjazsoy – Moviy tog‘lar” milliy tabiat bog‘i;

♦ Bo‘stonliq tumanidagi Burchmulla davlat o‘rmon xo‘jaligining 156,7 ming gektar er maydonida “Piskom” milliy tabiat bog‘i.

Farg‘ona viloyati O‘zbekiston va So‘x tumanlaridagi 13,9 ming gektar davlat zaxira erlari hamda Farg‘ona va Qo‘qon davlat o‘rmon xo‘jaliklarining 8,9 ming gektar er maydonlari hisobiga umumiy maydoni 22,9 ming gektardan iborat “Farg‘ona” milliy tabiat bog‘i tashkil etiladi.

✅ Namangan viloyati Mingbuloq va Pop adirliklarida 33,6 ming gektar davlat zaxira erlari hamda Pop ixtisoslashtirilgan davlat o‘rmon xo‘jaligining 91,2 ming gektar er maydoni hisobiga “Pop” milliy tabiat bog‘i hududi 125,3 ming gektarga kengaytiriladi.

“Aholini kuz-qish mavsumlarida qishloq xo‘jaligi mahsulotlari bilan barqaror ta’minlashning qo‘shimcha chora-tadbirlari to‘g‘risida”gi Prezident qarori (PQ–108-son, 25.03.2026-y.) qabul qilindi.

Aholi kuz-qish mavsumlarida qishloq xo‘jaligi mahsulotlari bilan barqaror ta’minlanadi

Quyidagilar 2026 - 2027-yillarda respublikada issiqxonalar faoliyatini rivojlantirishning asosiy maqsadli ko‘rsatkichlari etib belgilandi:

♦ Surxondaryo viloyati Sherobod tumanida kamida 940 gektar maydonda zamonaviy issiqxona majmualarini joylashtirish;

♦ energiya tejamkor va muqobil energiya manbalariga asoslangan isitish tizimlari ulushini kamida 50 foizga etkazish;

♦ atmosfera havosiga zararli tashlamalar tashlayotgan tadbirkorlik sub’ektlari faoliyatini bosqichma-bosqich kamaytirish.

Qarorga ko‘ra, Surxondaryo viloyati Sherobod tumanida “Surxon-Agro” erkin iqtisodiy zonasi tashkil etiladi.

✅ "Surxon-Agro" zonasi hududida faoliyat olib boradigan issiqxona xo‘jaliklariga quyidagi imtiyoz va preferentsiyalar beriladi:

♦ er uchastkalari tadbirkorlarga elektron onlayn auktsion orqali ijaraga berilganda 5 yil davomida ijara to‘lovining nolь stavkasi qo‘llanadi;

♦ issiqxonalarni sug‘orish va texnologik jarayonlar uchun ishlatiladigan oqova va erosti suvlari uchun to‘lovlardan 3 yil muddatga ozod etiladi;

♦ anomal sovuq ob-havo sharoitlari davrida, istisno tariqasida, belgilangan ekologik talablarga rioya qilgan holda ko‘mir yoqishga ruxsat etiladi.

Maqola foydali bo‘ldimi?

Bo‘limlar