Олий таълим муассасалари 24 сентябрдан бошлаб суперконтракт миқдорларини эълон қилишни бошлади. Бу ҳақда Олий таълим, фан ва инновациялар вазирлиги матбуот хизмати хабар берди.

Қуйида суперконтракт миқдорларини эълон қилган ОТМлар келтирилди. Уларда белгиланган миқдорлар билан ҳаволага кириб батафсил танишиш мумкин:

• Шаҳрисабз давлат педагогика институти;
• Наманган давлат техника университети;
• Андижон давлат университети;
• Наманган давлат педагогика институти;
• Тошкент ахборот технологиялари университети;
• Тошкент давлат юридик университети;
• Тошкент давлат иқтисодиёт университети;
• Андижон давлат техника институти 
• Термиз давлат университети;
• Тошкент архитектура-қурилиш университети;
• ТДТУ Олмалиқ филиали;
• Тошкент кимё-технология институти;
• Урганч давлат университети;
• Бухоро давлат университети;
• ТКТИ Янгиер филиали;
• Андижон қишлоқ хўжалиги ва агротехнологиялар институти;
• ТТА Урганч филиали;
• Қўқон давлат университети;
• Денов тадбиркорлик ва педагогика институти;
• Ўзбек миллий мусиқа санъати институти;
• ТДТУ Термиз филиали;
• Наманган давлат чет тиллари институти;
• Тошкент давлат иқтисодиёт университети;
• Миллий рассомлик ва дизайн институти.
• Ўзбекистон Миллий университети;
• Андижон давлат чет тиллари институти;
• Миллий эстрада санъати институти;
• Фарғона жамоат саломатлиги тиббиёт институти;
• Нукус давлат педагогика институти;
• Наманган давлат университети;
• Тошкент давлат техника университети;
• ТАТУ Самарқанд филиали;
• Ўзбекистон давлат жисмоний тарбия ва спорт университети Нукус филиали;
• Самарқанд давлат ветеринария медицинаси, чорвачилик ва биотехнологиялар университети;
• Жиззах политехника институти;
• Бухоро давлат техника университети;
• “ТИҚХММИ” Миллий тадқиқот университети.

Давлат комиссияси мажлисининг 22 сентябрдаги тегишли баёни билан 2025/2026-ўқув йили учун тўлов-контракт миқдорлари тасдиқланганди. Қабул чегарасига 4,05 баллдан ортиқ балл етмаган абитуриентлар учун табақалаштирилган тўлов-контракт миқдорлари ОТМлар ректорлари (директорлари) томонидан базавий тўлов-контрактнинг 3,0 баробаридан кам бўлмаган миқдорда белгиланади.

Янги тартибга кўра:

• 1,05 баллгача етмаган абитуриентлар учун — базавий тўлов-контракт миқдорининг 1,5 баробари;
• 1,06 баллдан 2,05 баллгача етмаган абитуриентлар учун — базавий тўлов-контракт миқдорининг 2,0 баробари;
• 2,06 баллдан 3,05 баллгача етмаган абитуриентлар учун — базавий тўлов-контракт миқдорининг 2,5 баробари;
• 3,06 баллдан 4,05 баллгача етмаган абитуриентлар учун — базавий тўлов-контракт миқдорининг 3,0 баробари миқдорида белгиланади. 

2025/2026-ўқув йили қабулида табақалаштирилган тўлов-контракт асосида таҳсил олиш истагини билдирган абитуриентларга бир йиллик ўқитиш қийматининг 50 фоизини 2025 йил 31 октябрга қадар тўлашга рухсат берилади.