Президент “Ислоҳотларни амалга оширишда истиқболли ташаббусларни янада қўллаб-қувватлаш бўйича қўшимча чора-тадбирлар тўғрисида”ги фармонни имзолади.

Ислоҳотлар доирасида:

• Ахборот ва оммавий коммуникациялар агентлиги тугатилди, унинг ахборот соҳасидаги назорат функциялари Ахборотлаштириш ва телекоммуникациялар соҳасидаги назорат инспекциясига ўтказилди;

• Оммавий коммуникациялар маркази Президент Администрацияси бўйсунувига ўтказилди;

• Наркотик моддаларни назорат қилиш миллий маркази негизида Наркотик моддалар ва ўқотар қуролни назорат қилиш агентлиги ташкил этилди;

• Администрация матбуот хизматининг Медиа маркази негизида ОАВ учун Контент тайёрлаш маркази ташкил этилди;

• Давлат хизматини ривожлантириш агентлиги ўрнига Бошқарув самарадорлигини ошириш агентлиги ташкил этилди;

• Маданият ва санъатни ривожлантириш жамғармаси эндиликда Администрацияга бўйсунади.

2025 йил 1 сентябрга қадар Ҳукумат қуйидагиларга қаратилган норматив-ҳуқуқий ҳужжатлар лойиҳаларини ишлаб чиқиши лозим:

• бюрократик тўсиқларни бартараф этиш ва бир-бирини такрорловчи назорат функцияларини қисқартириш;

• қарорлар қабул қилишда шаффофликни ошириш;

• ҳокимликларнинг ҳудудларни ривожлантириш, аҳоли бандлиги ва даромадларини ошириш соҳасидаги ваколатларини кенгайтириш.