O‘zbekiston Ichki ishlar vazirligi aholi va tizim xodimlari bilan tezkor muloqotni yo‘lga qo‘yish maqsadida yangi instrumentni joriy qildi.

Maxsus Telegram-bot — @iivshxbbbot ishga tushirildi. U orqali IIVning O‘z xavfsizlik bosh boshqarmasi bilan to‘g‘ridan-to‘g‘ri bog‘lanish imkoniyati mavjud.

Bot orqali ichki ishlar organlari xodimlari tomonidan sodir etilayotgan korrupsiya va tovlamachilik holatlari, xizmat faoliyatidagi muammolar hamda boshqa noqonuniy xatti-harakatlar haqida xabar berish mumkin.

Vazirlikda taʼkidlanishicha, har bir murojaat tezkorlik bilan ko‘rib chiqiladi va murojaat etuvchining maxfiyligi kafolatlanadi.