Yuridik kadrlarni qayta tayyorlash va malakasini oshirish instituti bilan imzolangan Memorandum asosida, 14 avgust kuni "Madad" NNTning barcha tuman (shahar) huquqiy maslahat byurolari xodimlari uchun muhim seminar trening bo‘lib o‘tdi.

"Mulkiy va nomulkiy da’volar bo‘yicha talablarni asoslash" mavzusidagi ushbu seminarni Toshkent viloyat ma’muriy sudining tajribali sudyasi Saidov Maqsudbek Norboyevich olib bordi.

Tadbir davomida da’volarning huquqiy asoslari, ularni sudga taqdim etish tartibi, sud jarayonlarining o‘ziga xos jihatlari va samarali hal etish yo‘llari batafsil muhokama qilindi.

Xodimlarimiz o‘z bilimlarini yangilab, fuqarolarga yanada sifatli va malakali huquqiy yordam ko‘rsatish uchun muhim ko‘nikmalarni egalladilar. Bu fuqarolarimizga ko‘rsatilayotgan huquqiy xizmatlar sifatini yanada oshirishga xizmat qiladi!