Prezident “Islohotlarni amalga oshirishda istiqbolli tashabbuslarni yanada qo‘llab-quvvatlash bo‘yicha qo‘shimcha chora-tadbirlar to‘g‘risida”gi farmonni imzoladi.

Islohotlar doirasida:

• Axborot va ommaviy kommunikatsiyalar agentligi tugatildi, uning axborot sohasidagi nazorat funksiyalari Axborotlashtirish va telekommunikatsiyalar sohasidagi nazorat inspeksiyasiga o‘tkazildi;
• Ommaviy kommunikatsiyalar markazi Prezident Administratsiyasi bo‘ysunuviga o‘tkazildi;
• Narkotik moddalarni nazorat qilish milliy markazi negizida Narkotik moddalar va o‘qotar qurolni nazorat qilish agentligi tashkil etildi;
• Administratsiya matbuot xizmatining Media markazi negizida OAV uchun Kontent tayyorlash markazi tashkil etildi;
• Davlat xizmatini rivojlantirish agentligi o‘rniga Boshqaruv samaradorligini oshirish agentligi tashkil etildi;
• Madaniyat va san’atni rivojlantirish jamg‘armasi endilikda Administratsiyaga bo‘ysunadi.

2025-yil 1-sentyabrga qadar Hukumat quyidagilarga qaratilgan normativ-huquqiy hujjatlar loyihalarini ishlab chiqishi lozim:

• byurokratik to‘siqlarni bartaraf etish va bir-birini takrorlovchi nazorat funksiyalarini qisqartirish;
• qarorlar qabul qilishda shaffoflikni oshirish;
• hokimliklarning hududlarni rivojlantirish, aholi bandligi va daromadlarini oshirish sohasidagi vakolatlarini kengaytirish.