"Avtomototransport vositalarini jarima maydonchasidan olib chiqish uchun elektron ruxsatnoma olish yuzasidan Davlat yo‘l harakati xavfsizligi xizmatiga elektron murojaat qilishning maʼmuriy reglamentini tasdiqlash to‘g‘risida"gi Vazirlar Mahkamasi qarori loyihasi eʼlon qilindi.

Avtotransport vositasini jarima maydonchasidan chiqarish davlat xizmatini elektron shaklga o‘tkazish belgilangan.

Belgilab qo‘yilishicha:

• 2025 yil 31 iyulga qadar YAIDXP, Davlat xizmatlari markazlari yoki Davlat yo‘l harakati xavfsizligi xizmatining mobil ilovasi orqali avtomototransport vositalarini jarima maydonchasidan olib chiqish uchun elektron ruxsatnoma olish davlat xizmati yo‘lga qo‘yiladi;

• jismoniy va yuridik shaxslar avtomototransport vositalarini jarima maydonchasidan olib chiqish uchun elektron ruxsatnoma olish yuzasidan DYHXXga anʼanaviy (og‘zaki yoki yozma) tarzda murojaat qilishi mumkin.

Quyidagilarni nazarda tutuvchi avtomototransport vositalarini jarima maydonchasidan olib chiqish uchun elektron ruxsatnoma olish yuzasidan Davlat yo‘l harakati xavfsizligi xizmatiga elektron murojaat qilishning maʼmuriy reglamenti ilovaga muvofiq tasdiqlanadi:

• avtomototransport vositalarini jarima maydonchasidan olib chiqish uchun elektron ruxsatnoma olish yuzasidan murojaat qilish tartibi;

• avtomototransport vositalarini jarima maydonchasidan olib chiqish uchun elektron ruxsatnoma olish yuzasidan murojaatlarni ko‘rib chiqish tartibi.

Ichki ishlar vazirligi Raqamli texnologiyalar vazirligi bilan birgalikda 2025 yil 20 iyulga qadar avtomototransport vositalarini jarima maydonchasidan olib chiqish uchun elektron ruxsatnoma olish yuzasidan elektron murojaat etish uchun zarur bo‘lgan axborot tizimlarini o‘zaro integratsiya qilish choralarini ko‘radi.