OTMlarga kirish imtihonlari o‘tkaziladigan binolar ro‘yxati tasdiqlandi

Abituriyentlar test sinovlari o‘tkaziladigan binolarning manzili, fotosuratlari va xaritasi bilan tanishishlari, shuningdek, test sinovi o‘tkaziladigan binoga oldindan tashrif buyurishlari mumkin.

Bilim va malaka­larni baholash agentligining rasmiy saytiga 2025–2026 o‘quv yilida oliy va professional taʼlim muassasalariga o‘qishga kirish test sinovlari o‘tkaziladigan binolar bo‘yicha maʼlumotlar joylashtirildi. 

Maʼlumotlarda quyidagilar aks etgan:

• test sinovi o‘tkaziladigan hududning fotosuratlari;

• hududga kirish joylari;

• test sinovi o‘tkaziladigan joy nomi;

• joyning aniq manzili;

• bino raqami;

• test sinovi o‘tkaziladigan guruhlar;

• binolarning Google xaritasidagi joylashuvi (geolokatsiyasi).

Abituriyentlar 12 iyul kuni soat 12:00 dan 15:00 gacha ruxsatnomalarida ko‘rsatilgan manzilda joylashgan test sinovi binolariga tashrif buyurishlari va o‘sha joylar bilan oldindan tanishib chiqishlari mumkin.

Manzillar ro‘yxati bilan quyidagi havola orqali tanishing: https://uzbmb.uz/page/test_2025