“Madad” NNT va Buyuk Britaniyaning O‘zbekistondagi Elchixonasi hamkorligi yangi bosqichga chiqmoqda

“Madad” NNT ijrochi direktori Saidov Shakir Kamalovich Buyuk Britaniyaning O‘zbekistondagi elchixonasi bo‘lim boshlig‘i Xelen Brodrik xonim va bo‘lim boshlig‘i o‘rinbosari Bekzodjon Kazakov bilan uchrashuv o‘tkazdi. 
Uchrashuvda tashkilotning amalga oshirgan ishlari va 2025 yilga mo‘ljallangan muhim yangi loyihalari haqida maʼlumot berildi.

✅ Elchixonaga taqdim etilgan 2025-2026 yillarda amalga oshirilishi rejalashtirilgan “Ijtimoiy himoyaga muhtoj aholiga bepul yuridik yordam ko‘rsatish va odil sudlovdan foydalanish imkoniyatini taʼminlash” nomli loyiha muhokama qilindi.

✅ Tomonlar mamlakatimizda huquqiy xizmatlar sifatini oshirish va aholining huquqiy ongi va madaniyatini yuksaltirish bo‘yicha birgalikdagi saʼy-harakatlarni davom ettirishga kelishib oldilar.
Uchrashuv ikki tomonlama samarali hamkorlikni mustahkamlashga xizmat qildi.