Abituriyentlar 30 iyul kuniga qadar hujjat topshirishlari mumkin.

O‘zbekistonda 2025/2026 o‘quv yili uchun davlat oliy taʼlim muassasalari magistraturasiga onlayn hujjat qabul qilish boshlandi. Bu haqda Oliy taʼlim, fan va innovatsiyalar vazirligi matbuot xizmati xabar berdi.

Hujjatlar 30 iyul kuniga qadar vazirlikning rasmiy platformasi — my.edu.uz orqali qabul qilinadi.

Tanlovda ishtirok etish uchun kerakli darajadagi milliy yoki xalqaro sertifikatga ega shaxslar ruxsat etilgan.